نعت رسول🌺🌺

؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞
بند ہے بابِ نبوت شہِ ابرارؐ کے بعد
اب نبی کوئی نہ ہو گا مرے سرکارؐ کے بعد
شمعِ فردوس ہے پروانۂ الفت کیلئے
باغِ جنّت ہے غلامانِ رسالت کیلئے
ہم جئیں گے تو پیمبر کی اطاعت کیلئے
جان دینی ہے ہمیں ختمِ نبوّت کیلئے
ہم نہ جائیں گے کہیں کوچۂ دلدار کے بعد
اب نبی کوئی نہ ہو گا مرے سرکارؐ کے بعد
آپؐ ہیں ختمِ رسُل آپؐ شہنشاہِ جہاں
نقشِ پا عرش پہ ہے آپ کی عظمت کا نشاں
چڑھتے سورج کی طرح ہے أنَا خَاتَم کا بیاں
اب کسی اور نبوت کا تصور ہی کہاں!
کوئی سالار نہیں آخری سالار کے بعد
اب نبی کوئی نہ ہو گا مرے سرکارؐ کے بعد
جیسے ایمان ادھورا ہے محبت کے بغیر
جس طرح عشق ادھورا ہے اطاعت کے بغیر
جیسے توحید ادھوری ہے رسالت کے بغیر
دین ناقص ہے یونہی ختمِ نبوّت کے بغیر
معتبر ہوتا ہے ایمان اِس اقرار کے بعد
اب نبی کوئی نہ ہو گا مرے سرکارؐ کے بعد
مومنو آؤ صحابہؓ کا عقیدہ سمجھو
اپنے آقاؐ سے محبت کا تقاضا سمجھو
کسی کذاب کو زنہار نہ عیسیٰ سمجھو
خود کو مہدی جو کہے تم اُسے جھوٹا سمجھو
باخبر ہو کے رہو سازشِ کفار کے بعد
اب نبی کوئی نہ ہو گا مرے سرکارؐ کے بعد
اُٹھ ابوبکرؓ کا اعلانِ صداقت بن کر
آندھیاں موڑ دے فاروقؓ کی ہیبت بن کر
مثلِ عثمانؓ شریعت کی حفاظت بن کر
بازوئے حیدرِ کرّارؓ کی قوّت بن کر
کفر مٹ جائے معوّذؔ تری للکار کے بعد
اب نبی کوئی نہ ہو گا مرے سرکارؐ کے بعد
؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞
(طالبِ دعاء ، حافظ ابودرداء معوذ بهیونڈی)

SHARE

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.

• 
• 
• 
• 
•