ﯾﻘﯿﻦ ﮐﯿﺎ ﮨﮯ؟

ﺣﻮﺍﻻﺕ ﮐﯽ ﺳﻼﺧﻮﮞ ﮐﮯ ﭘﯿﭽﮭﮯ ﺳﮯ ﻣﯿﮟ ﺍﺳﮯ ﻧﻤﺎﺯ ﭘﮍﮬﺘﺎ ﺩﯾﮑﮫ ﺭﮨﺎ ﺗﮭﺎ۔ ﻭﮦ ﭘﭽﯿﺲ ﭼﮭﺒﯿﺲ ﺳﺎﻝ ﮐﺎ ﺧﻮﺑﺼﻮﺭﺕ ﻧﻮﺟﻮﺍﻥ ﻗﺘﻞ ﮐﮯ ﻣﻘﺪﻣﮯ ﻣﯿﮟ ﺩﻭ ﺩﻥ ﭘﮩﻠﮯ ﮨﯽ ﯾﮩﺎﮞ ﻻﯾﺎ ﮔﯿﺎ ﺗﮭﺎ، ﺟﮩﺎﮞ ﺳﮯ ﭼﻨﺪ ﺩﻥ ﺑﻌﺪ ﻋﺪﺍﻟﺘﯽ ﮐﺎﺭﺭﻭﺍﺋﯽ ﮐﮯ ﺑﻌﺪ ﺍﺳﮯ ﺟﯿﻞ ﻣﻨﺘﻘﻞ ﮐﯿﺎ ﺟﺎﻧﺎ ﺗﮭﺎ۔ ﺍﺱ ﮐﮯ ﺧﻼﻑ ﮐﯿﺲ ﮐﺎﻓﯽ ﻣﻀﺒﻮﻁ ﺗﮭﺎ، ﺍﺱ ﻟﯿﮯ ﮔﻤﺎﻥ ﻏﺎﻟﺐ ﺗﮭﺎ ﮐﮧ ﺍﯾﮏ ﺩﻭ ﭘﯿﺸﯿﻮﮞ ﮐﮯ ﺑﻌﺪ ﮨﯽ ﺍﺳﮯ ﺳﺰﺍﺋﮯ ﻣﻮﺕ ﺳﻨﺎ ﺩﯼ ﺟﺎﺋﮯ ﮔﯽ۔

ﻣﯿﮟ ﺍﯾﮏ ﭘﻮﻟﯿﺲ ﻭﺍﻻ ﮨﻮﮞ ﺍﻭﺭ ﭘﮩﻠﮯ ﺩﻥ ﺳﮯ ﮨﯽ ﻣﯿﺮﺍ ﺭﻭﯾﮧ ﺍﻭﺭ ﻟﮩﺠﮧ ﺍﺱ ﮐﮯ ﺳﺎﺗﮫ ﮐﺎﻓﯽ ﺳﺨﺖ ﺭﮨﺎ ﺗﮭﺎ ﻟﯿﮑﻦ ﺍﺱ ﮐﮯ ﻟﺒﻮﮞ ﭘﺮ ﮨﻤﯿﺸﮧ ﺍﯾﮏﺩﻝ ﻣﻮﮦ ﻟﯿﻨﮯ ﻭﺍﻟﯽ ﻣﺴﮑﺮﺍﮨﭧ ﮨﻮﺗﯽ ﺗﮭﯽ ﺍﻭﺭ ﮨﻤﯿﺸﮧ ﻭﮦ ﻣﺠﮭﮯ ﺑﮍﺍ ﺳﻤﺠﮭﺘﮯ ﮨﻮﺋﮯ ﺍﺩﺏ ﺳﮯ ﺍﻭﺭ ﻧﺮﻡ ﻟﮩﺠﮯ ﻣﯿﮟ ﺑﺎﺕ ﮐﺮﺗﺎ ﺗﮭﺎ ﺍﻭﺭ ﻣﺠﮫ ﺟﯿﺴﺎ ﺳﺨﺖ ﺍﻧﺴﺎﻥ ﺑﮭﯽ ﺩﻭ ﺩﻥ ﻣﯿﮟ ﮨﯽ ﺍﺱ ﮐﮯ ﺍﭼﮭﮯ ﺍﺧﻼﻕ ﮐﮯ ﺳﺎﻣﻨﮯ ﮨﺎﺭ ﮔﯿﺎ ﺗﮭﺎ۔
ﺍﺏ ﻭﮦ ﺳﻼﻡ ﭘﮭﯿﺮﻧﮯ ﮐﮯ ﺑﻌﺪ ﺩﻋﺎ ﻣﺎﻧﮓ ﺭﮨﺎ ﺗﮭﺎ۔ ﻣﯿﮟ ﺍﺳﮯ ﺩﯾﮑﮭﺘﺎ ﮨﯽ ﺭﮦ ﮔﯿﺎ۔ ﻭﮦ ﺍﺱ ﻃﺮﺡ ﺧﺸﻮﻉ ﻭ ﺧﻀﻮﻉ ﺳﮯ ﺩﻋﺎ ﻣﺎﻧﮓ ﺭﮨﺎ ﺗﮭﺎ ﮐﮧ ﯾﻮﮞ ﻟﮕﺘﺎ ﺗﮭﺎ ﺟﯿﺴﮯ ﻭﮦ ﺟﺲ ﺳﮯ ﻣﺎﻧﮓ ﺭﮨﺎ ﮨﮯ ﻭﮦ ﺍﺱ ﮐﮯ ﺑﺎﻟﮑﻞ ﺳﺎﻣﻨﮯ ﺑﯿﭩﮭﺎ ﮨﻮ۔ ﺩﻋﺎ ﮐﮯ ﺑﻌﺪ ﺍﺱ ﮐﯽ ﻧﻈﺮ ﻣﺠﮫ ﭘﺮ ﭘﮍﯼ ﺗﻮ ﺍﺱ ﮐﮯ ﻟﺒﻮﮞ ﭘﺮ ﭘﮭﺮ ﻭﮨﯽ ﻣﺴﮑﺮﺍﮨﭧ ﻧﻤﻮﺩﺍﺭ ﮨﻮﺋﯽ۔ ﻭﮦ ﺍﭨﮫ ﮐﺮ ﻣﯿﺮﮮ ﭘﺎﺱ ﺁﯾﺎ ﺍﻭﺭ ﮨﻤﯿﺸﮧ ﮐﯽ ﻃﺮﺡ ﻣﯿﺮﺍ ﺣﺎﻝ ﺍﺣﻮﺍﻝ ﭘﻮﭼﮭﺎ۔ ﺁﺝ ﺧﻼﻑ ﻣﻌﻤﻮﻝ ﻣﯿﺮﺍ ﻟﮩﺠﮧ ﮐﺎﻓﯽ ﻧﺮﻡ ﺗﮭﺎ۔ ﺑﺎﺗﻮﮞ ﮐﮯ ﺩﻭﺭﺍﻥ ﻣﯿﮟ ﻧﮯ ﺍﺱ ﺳﮯ ﭘﻮﭼﮭﺎ ﮐﮧ ﮐﯿﺎ ﻭﺍﻗﻌﯽ ﺍﺱ ﻧﮯ ﻗﺘﻞ ﺟﯿﺴﺎ ﺟﺮﻡ ﮐﯿﺎ ﮨﮯ ﮐﯿﻮﻧﮑﮧ ﻣﺠﮭﮯ ﺍﺱ ﮐﯽ ﻣﻌﺼﻮﻣﯿﺖ ﺳﮯ ﻧﮩﯿﮟ ﻟﮓ ﺭﮨﺎ ﺗﮭﺎ ﮐﮧ ﻭﮦ ﻗﺘﻞ ﺟﯿﺴﺎ ﺟﺮﻡ ﮐﺮ ﺳﮑﺘﺎ ﮨﮯ۔ ’’ ﺍﯾﮏ ﺍﻧﺴﺎﻥ ﮐﺎ ﻗﺘﻞ ﭘﻮﺭﯼ ﺍﻧﺴﺎﻧﯿﺖ ﮐﺎ ﻗﺘﻞ ﮨﮯ ﺗﻮ ﭘﮭﺮ ﻣﯿﮟ ﺍﯾﺴﺎ ﮔﮭﻨﺎﺅﻧﺎ ﺟﺮﻡ ﮐﯿﺴﮯ ﮐﺮ ﺳﮑﺘﺎ ﮨﻮﮞ؟ ‘‘ ﺍﺱ ﻧﮯ ﻣﺴﮑﺮﺍﺗﮯ ﮨﻮﺋﮯ ﺟﻮﺍﺏ ﺩﯾﺎ۔ ’’ ﺗﻮ ﭘﮭﺮ؟ ‘‘ ﻣﯿﮟ ﻧﮯ ﺳﻮﺍﻟﯿﮧ ﻧﻈﺮﻭﮞ ﺳﮯ ﺍﺱ ﮐﯽ ﻃﺮﻑ ﺩﯾﮑﮭﺎ۔ ’’ ﺟﺐ ﺍﻟﻠﮧ ﺍﺱ ﺩﻧﯿﺎ ﻣﯿﮟ ﮐﺴﯽ ﮐﻮ ﺍﺧﺘﯿﺎﺭﺍﺕ ﺩﯾﺘﺎ ﮨﮯ ﺗﻮ ﺍﮐﺜﺮ ﻟﻮﮒ ﺑﮭﻮﻝ ﺟﺎﺗﮯ ﮨﯿﮟ ﮐﮧ ﯾﮧ ﺍﺧﺘﯿﺎﺭﺍﺕ ﺍﻟﻠﮧ ﮐﯽ ﻃﺮﻑ ﺳﮯ ﺍﻣﺎﻧﺖ ﮨﯿﮟ۔ ﻭﮦ ﺍﻥ ﺳﺐ ﮐﻮ ﺍﭘﻨﺎ ﮐﻤﺎﻝ ﺍﻭﺭ ﺣﻖ ﺳﻤﺠﮫ ﺑﯿﭩﮭﺘﮯ ﮨﯿﮟ۔ ﻣﯿﺮﮮ ﺳﺎﺗﮫ ﺑﮭﯽ ﺍﯾﺴﺎ ﮨﯽ ﮨﻮﺍ۔ ﮨﻤﺎﺭﮮ ﻋﻼﻗﮯ ﮐﮯ ﺍﯾﮏ ﺑﺎﺍﺛﺮ ﺍﻧﺴﺎﻥ ﻧﮯ ﻗﺘﻞ ﮐﺮ ﺩﯾﺎ ﺍﻭﺭ ﺍﺗﻔﺎﻕ ﺳﮯ ﻣﯿﮟ ﻭﮨﺎﮞ ﺳﮯ ﭼﻨﺪ ﻗﺪﻡ ﮨﯽ ﺩﻭﺭ ﺗﮭﺎ۔ ﺍﺱ ﻧﮯ ﺍﻟﺰﺍﻡ ﻣﺠﮫ ﭘﺮ ﻟﮕﺎ ﺩﯾﺎ۔ﺟﮭﻮﭨﮯ ﮔﻮﺍﮦ ﺑﮭﯽ ﺗﯿﺎﺭ ﮐﺮﻟﯿﮯ ﮔﺌﮯ ﺍﻭﺭ ﻣﯿﮟ ﯾﮩﺎﮞ ﺁﮔﯿﺎ ‘‘ ﻣﺠﮭﮯ ﺩﮐﮫ ﺳﺎ ﮨﻮﺍ۔ ’’ ﺗﻮ ﺗﻤﮩﺎﺭﮮ ﮔﮭﺮ ﻭﺍﻟﻮﮞ ﻧﮯ ﮐﭽﮫ ﻧﮩﯿﮟ ﮐﯿﺎ؟ ‘‘ ’’ ﮔﮭﺮ ﻭﺍﻟﻮﮞ ﻧﮯ ﺍﭘﻨﯽ ﺳﯽ ﮐﻮﺷﺶ ﮐﯽ ﻟﯿﮑﻦ ﻭﮨﯽ ﺑﺎﺕ ﺍﺱ ﻣﻌﺎﺷﺮﮮ ﻣﯿﮟ ﻟﻮﮒ ﺑﮭﯽ ﮈﺭ ﮐﮯ ﻣﺎﺭﮮ ﺍﺳﯽ ﮐﺎ ﺳﺎﺗﮫ ﺩﯾﺘﮯ ﮨﯿﮟ ﺟﻮ ﻃﺎﻗﺘﻮﺭ ﮨﻮ ‘‘ ۔ ﻭﮦ ﭘﮭﺮ ﺳﮯ ﻣﺴﮑﺮﺍﯾﺎ ﺗﮭﺎ۔

ﻣﺠﮭﮯ ﺍﺱ ﮐﮯ ﺳﮑﻮﻥ ﮐﻮ ﺩﯾﮑﮫ ﮐﺮ ﺣﯿﺮﺕ ﮨﻮﺋﯽ۔ ’’ ﺗﻤﮩﯿﮟ ﮈﺭ ﻧﮩﯿﮟ ﻟﮕﺘﺎ ﮐﮧ ﮨﻮ ﺳﮑﺘﺎ ﮨﮯ ﮐﭽﮫ ﺩﻧﻮﮞ ﺗﮏ ﺗﻤﮩﯿﮟ ﻣﻮﺕ ﮐﯽ ﺳﺰﺍ ﺳﻨﺎ ﺩﯼ ﺟﺎﺋﮯ؟ ‘‘ ۔ ’’ ﺍﻥ ﺷﺎﺀ ﺍﻟﻠﮧ ﻣﺠﮭﮯ ﮐﭽﮫ ﻧﮩﯿﮟ ﮨﻮﮔﺎ۔ﻣﯿﮟ ﻧﮯ ﺍﺱ ﮐﮯ ﺁﮔﮯ ﺍﭘﻨﯽ ﻋﺮﺿﯽ ﺭﮐﮫ ﺩﯼ ﮨﮯ ﺟﺲ ﮐﮯ ﺳﺎﻣﻨﮯ ﺑﮍﮮ ﺳﮯ ﺑﮍﮮ ﺑﺎﺩﺷﺎﮦ ﮐﯽ ﺑﮭﯽ ﮐﻮﺋﯽ ﺣﯿﺜﯿﺖ ﻧﮩﯿﮟ ‘‘ ۔ ﺍﺱ ﻧﮯ ﭘُﺮ ﯾﻘﯿﻦ ﻟﮩﺠﮯ ﻣﯿﮟ ﺟﻮﺍﺏ ﺩﯾﺎ۔
ﻣﯿﮟ ﻧﮯ ﭘﮭﺮ ﺳﻮﺍﻟﯿﮧ ﻧﻈﺮﻭﮞ ﺳﮯ ﺍﺳﮯ ﺩﯾﮑﮭﺎ۔ ’’ ﻣﯿﮟ ﺍﭘﻨﮯ ﺍﻟﻠﮧ ﮐﯽ ﺑﺎﺕ ﮐﺮ ﺭﮨﺎ ﮨﻮﮞ، ﺍﺳﮯ ﻣﯿﺮﯼ ﺑﮯ ﮔﻨﺎﮨﯽ ﮐﺎ ﻋﻠﻢ ﮨﮯ ﺍﻭﺭ ﻭﮦ ﻣﺠﮭﮯ ﮐﭽﮫ ﻧﮩﯿﮟ ﮨﻮﻧﮯ ﺩﮮ ﮔﺎ ‘‘ ۔ ﺍﺱ ﮐﮯ ﮨﺮ ﮨﺮ ﻟﻔﻆ ﺳﮯ ﻣﺤﺒﺖ ﭨﭙﮏ ﺭﮨﯽ ﺗﮭﯽ۔ ’’ ﺗﻤﮩﯿﮟ ﯾﻘﯿﻦ ﮨﮯ ﮐﮧ ﺩﻋﺎ ﺳﮯ ﮐﺎﻡ ﮨﻮ ﺟﺎﺋﮯ ﮔﺎ۔۔۔؟ ﺍﮔﺮ ﻧﮧ ﮨﻮﺍ ﺗﻮ۔۔۔؟؟ ‘‘
ﻣﯿﮟ ﻧﮯ ﭘﻮﭼﮭﺎ، ’’ ﺟﺐ ﺍﺱ ﺳﮯ ﻣﺎﻧﮕﺎ ﺟﺎﺗﺎ ﮨﮯ ﻧﺎﮞ ﺗﻮ ﭘﮭﺮ ﺷﮏ ﻣﯿﮟ ﻧﮩﯿﮟ ﭘﮍﺗﮯ ﮐﮧ ﻭﮦ ﻗﺒﻮﻝ ﻧﮩﯿﮟ ﮐﺮﮮ ﮔﺎ۔ﺑﺲ ﺳﺐ ﮐﭽﮫ ﺍﺱ ﭘﺮ ﭼﮭﻮﮌ ﮐﺮ ﺍﻧﺘﻈﺎﺭ ﮐﺮﺗﮯ ﮨﯿﮟ ‘‘ ۔ ﺍﺱ ﮐﮯ ﻟﮩﺠﮯ ﻣﯿﮟ ﯾﻘﯿﻦ ﮨﯽ ﯾﻘﯿﻦ ﺗﮭﺎ۔ ﻣﯿﮟ ﺑﺲ ﺍﺱ ﮐﮯ ﭼﮩﺮﮮ ﮐﻮ ﺗﮑﺘﺎ ﺭﮦ ﮔﯿﺎ ﮐﮧ ﺍﺱ ﺳﮯ ﭘﮩﻠﮯ ﺍﻟﻠﮧ ﭘﺮ ﺍﺗﻨﺎ ﯾﻘﯿﻦ ﺷﺎﯾﺪ ﮨﯽ ﮐﺴﯽ ﻣﯿﮟ ﺩﯾﮑﮭﺎ ﮨﻮ۔

ﺗﯿﻦ ﺩﻥ ﻣﺰﯾﺪ ﮔﺰﺭ ﮔﺌﮯ۔ ﺍﺱ ﺩﻭﺭﺍﻥ ﺍﺱ ﮐﮯ ﮔﮭﺮ ﻭﺍﻟﮯ ﺑﮭﯽ ﺍﺱ ﺳﮯ ﻣﻠﻨﮯ ﺁﺋﮯ ﺗﮭﮯ۔ ﻭﮦ ﺍﭘﻨﮯ ﻭﺍﻟﺪﯾﻦ ﮐﺎ ﺍﮐﻠﻮﺗﺎ ﺑﯿﭩﺎ ﺗﮭﺎ۔ ﻣﺎﮞ ﮐﺎ ﺭﻭ ﺭﻭ ﮐﺮ ﺑﺮﺍ ﺣﺎﻝ ﺗﮭﺎ ﻟﯿﮑﻦ ﺍﺱ ﮐﮯ ﺳﮑﻮﻥ ﻣﯿﮟ ﮐﻮﺋﯽ ﮐﻤﯽ ﻧﮩﯿﮟ ﺁﺋﯽ ﺗﮭﯽ۔ ﻭﮦ ﻣﺴﻠﺴﻞ ﺳﻤﺠﮭﺎﺗﺎ ﺭﮨﺎ ﮐﮧ ﻣﯿﮟ ﻧﮯ ﺍﻟﻠﮧ ﮐﮯ ﺳﺎﻣﻨﮯ ﻋﺮﺿﯽ ﺭﮐﮫ ﺩﯼ ﮨﮯ ﺍﺳﮯ ﭘﺘﺎ ﮨﮯ ﻣﯿﮟ ﺑﮯ ﮔﻨﺎﮦ ﮨﻮﮞ ﺩﯾﮑﮫ ﻟﯿﺠﺌﮯ ﮔﺎ ﻭﮦ ﻣﺠﮭﮯ ﮐﭽﮫ ﻧﮩﯿﮟ ﮨﻮﻧﮯ ﺩﮮ ﮔﺎ۔ﻣﯿﮟ ﻧﮯ ﺍﻟﻠﮧ ﭘﺮ ﺍﺗﻨﺎ ﯾﻘﯿﻦ ﺍﺱ ﺳﮯ ﭘﮩﻠﮯ ﺻﺮﻑ ﭘﮍﮬﺎ ﮨﯽ ﺗﮭﺎ ﻟﯿﮑﻦ ﮐﺒﮭﯽ ﻧﮩﯿﮟ ﺩﯾﮑﮭﺎ ﺗﮭﺎ۔ ﻣﯿﺮﮮ ﺩﻝ ﻣﯿﮟ ﺍﺏ ﺍﺱ ﮐﮯ ﻟﯿﮯ ﻋﻘﯿﺪﺕ ﮐﮯ ﺟﺬﺑﺎﺕ ﭘﯿﺪﺍ ﮨﻮﻧﺎ ﺷﺮﻭﻉ ﮨﻮﮔﺌﮯ ﺗﮭﮯ۔ ﺷﺎﯾﺪ ﺍﻟﻠﮧ ﮐﯽ ﻣﺤﺒﺖ ﮨﻮﺗﯽ ﮨﯽ ﺍﯾﺴﯽ ﮨﮯ ﺟﻮ ﭘﺘﮭﺮ ﺩﻝ ﮐﻮ ﺑﮭﯽ ﭘﮕﮭﻼ ﺩﯾﺘﯽ ﮨﮯ ﺍﻭﺭ ﭘﮭﺮ ﺟﺐ ﺍﺳﮯ ﻋﺪﺍﻟﺖ ﻣﯿﮟ ﭘﯿﺶ ﮐﯿﺎ ﺟﺎﻧﺎ ﺗﮭﺎ ﺍﺱ ﺳﮯ ﺍﯾﮏ ﺩﻥ ﭘﮩﻠﮯ ﮨﯽ ﻋﺠﯿﺐ ﻭﺍﻗﻌﮧ ﮨﻮﺍ۔ ﺟﺲ ﺷﺨﺺ ﻧﮯ ﺧﻮﺩ ﻗﺘﻞ ﮐﺮﮐﮯ ﺍﻟﺰﺍﻡ ﺍﺱ ﭘﺮ ﻟﮕﺎﯾﺎ ﺗﮭﺎ ﻭﮦ ﺍﭘﻨﯽ ﺑﯿﻮﯼ ﺍﻭﺭ ﺍﮐﻠﻮﺗﮯ ﺑﭽﮯ ﮐﮯ ﺳﺎﺗﮫ ﮔﺎﮌﯼ ﻣﯿﮟ ﮐﮩﯿﮟ ﺟﺎ ﺭﮨﺎ ﺗﮭﺎ ﮐﮧ ﺍﺳﮯ ﺍﯾﮏ ﺧﻮﻓﻨﺎﮎ ﺣﺎﺩﺛﮧ ﭘﯿﺶ ﺁﯾﺎ ﺟﺲ ﮐﮯ ﻧﺘﯿﺠﮯ ﻣﯿﮟ ﺍﺱ ﮐﯽ ﺑﯿﻮﯼ ﺍﻭﺭ ﺑﭽﮧ ﺗﻮ ﻣﻮﻗﻊ ﭘﺮ ﮨﯽ ﺟﺎﮞ ﺑﺤﻖ ﮨﻮﮔﺌﮯﺟﺒﮑﮧ ﺍﺳﮯ ﺷﺪﯾﺪ ﺯﺧﻤﯽ ﺣﺎﻟﺖ ﻣﯿﮟ ﮨﺴﭙﺘﺎﻝ ﻣﻨﺘﻘﻞ ﮐﯿﺎ ﮔﯿﺎ۔ ﮐﺎﻓﯽ ﮔﮭﻨﭩﻮﮞ ﺑﻌﺪ ﮨﻮﺵ ﻣﯿﮟ ﺁﻧﮯ ﮐﮯ ﺑﻌﺪ ﺍﺳﮯ ﺑﯿﻮﯼ ﺍﻭﺭ ﺑﭽﮯ ﮐﮯ ﻣﺮﻧﮯ ﮐﯽ ﺧﺒﺮ ﻣﻠﯽ ﺗﻮ ﺍﺱ ﮐﯽ ﺣﺎﻟﺖ ﺍﻭﺭ ﺑﮕﮍ ﮔﺌﯽ۔ ﺍﺳﯽ ﺟﺎﻥ ﮐﻨﯽ ﮐﮯ ﻋﺎﻟﻢ ﻣﯿﮟ ﺍﺳﮯ ﮐﭽﮫ ﯾﺎﺩ ﺁﯾﺎ۔ ﺍﺱ ﻧﮯ ﭼﯿﺦ ﮐﺮ ﻗﺮﯾﺐ ﻣﻮﺟﻮﺩ ﮈﺍﮐﭩﺮ ﮐﻮ ﺍﺱ ﮐﯽ ﻭﯾﮉﯾﻮ ﺑﻨﺎﻧﮯ ﮐﺎ ﮐﮩﺎ۔ ﺑﺎﺭ ﺑﺎﺭ ﺍﺻﺮﺍﺭ ﭘﺮ ﮈﺍﮐﭩﺮ ﻧﮯ ﻧﺮﺱ ﮐﻮ ﻭﯾﮉﯾﻮ ﺑﻨﺎﻧﮯ ﮐﺎ ﺍﺷﺎﺭﮦ ﮐﯿﺎ ﺗﻮ ﺍﺱ ﻧﮯ ﻭﯾﮉﯾﻮ ﻣﯿﮟ ﺑﮍﯼ ﻣﺸﮑﻞ ﺳﮯ ﺍﭘﻨﮯ ﺟﺮﻡ ﮐﺎ ﺍﻋﺘﺮﺍﻑ ﮐﯿﺎ ﺍﻭﺭ ﺍﺱ ﻧﻮﺟﻮﺍﻥ ﮐﻮ ﺑﮯ ﮔﻨﺎﮦ ﻗﺮﺍﺭ ﺩﮮ ﮐﺮ ﮨﺎﺗﮫ ﺟﻮﮌ ﮐﺮ ﻣﻌﺎﻓﯽ ﺑﮭﯽ ﻣﺎﻧﮕﯽ۔ ﺍﺱ ﻧﮯ ﮈﺍﮐﭩﺮ ﺳﮯ ﻭﻋﺪﮦ ﻟﯿﺎ ﮐﮧ ﻭﮦ ﯾﮧ ﻭﯾﮉﯾﻮ ﺿﺮﻭﺭ ﭘﻮﻟﯿﺲ ﺳﭩﯿﺸﻦ ﻟﮯ ﮐﺮ ﺟﺎﺋﮯ ﮔﺎ۔ﺷﺎﯾﺪ ﺑﯿﻮﯼ ﺑﭽﮯ ﮐﮯ ﻣﺮﻧﮯ ﮐﮯ ﺑﻌﺪ ﺍﻭﺭ ﺍﭘﻨﯽ ﺣﺎﻟﺖ ﮐﺎ ﻋﻠﻢ ﮨﻮﺟﺎﻧﮯ ﮐﮯ ﺑﻌﺪ ﻭﮦ ﺍﺱ ﮔﻨﺎﮦ ﮐﻮ ﺳﺎﺗﮫ ﻟﮯ ﮐﺮ ﻣﺮﻧﺎ ﻧﮩﯿﮟ ﭼﺎﮨﺘﺎ ﺗﮭﺎ۔

ﺍﺩﮬﺮ ﻭﯾﮉﯾﻮ ﭘﻮﻟﯿﺲ ﺳﭩﯿﺸﻦ ﭘﮩﻨﭽﯽ ﺍﺩﮬﺮ ﻭﮦ ﺁﺩﻣﯽ ﻣﺮﮔﯿﺎ۔ ﺁﺝ ﻋﺪﺍﻟﺖ ﻣﯿﮟ ﺍﺱ ﮐﯽ ﭘﯿﺸﯽ ﺗﮭﯽ۔ ﻋﺪﺍﻟﺖ ﮐﮯ ﺳﺎﻣﻨﮯ ﺍﺱ ﮐﯽ ﺑﮯ ﮔﻨﺎﮨﯽ ﮐﺎ ﻧﺎﻗﺎﺑﻞ ﺗﺮﺩﯾﺪ ﺛﺒﻮﺕ ﻭﯾﮉﯾﻮ ﮐﯽ ﺷﮑﻞ ﻣﯿﮟ ﻣﻮﺟﻮﺩ ﺗﮭﺎ ﻟﮩﺬﺍ ﺍﺳﮯ ﺑﺎﻋﺰﺕ ﺑﺮﯼ ﮐﺮ ﺩﯾﺎ ﮔﯿﺎ۔ ﻣﯿﮟ ﮐﻤﺮﮦ ﻋﺪﺍﻟﺖ ﻣﯿﮟ ﮐﮭﮍﺍ ﮔﻢ ﺳﻢ ﺳﺎ ﺳﻮﭺ ﺭﮨﺎ ﺗﮭﺎ ﮐﮧ ﺍﻟﻠﮧ ﺍﻥ ﺑﻨﺪﻭﮞ ﮐﯽ ﺟﻮ ﺻﺤﯿﺢ ﻣﻌﻨﻮﮞ ﻣﯿﮟ ﺍﺱ ﭘﺮ ﺍﯾﻤﺎﻥ ﻻﺗﮯ ﮨﯿﮟ ﺍﻥ ﮐﯽ ﺍﯾﺴﮯ ﺑﮭﯽ ﻣﺪﺩ ﮐﺮﺳﮑﺘﺎ ﮨﮯ۔ ﺍﺱ ﮐﯽ ﮨﺘﮭﮑﮍﯾﺎﮞ ﮐﮭﻮﻝ ﺩﯼ ﮔﺌﯽ ﺗﮭﯿﮟ، ﻣﺎﮞ ﺭﻭﺗﮯ ﮨﻮﺋﮯ ﺍﺱ ﺳﮯ ﻟﭙﭧ ﮔﺌﯽ ﺗﮭﯽ ﺑﺎﭖ ﮐﯽ ﺁﻧﮑﮭﻮﮞ ﻣﯿﮟ ﺑﮭﯽ ﺁﻧﺴﻮ ﺗﮭﮯ۔ﺁﺝ ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺑﮭﯽ ﺁﻧﺴﻮ ﺗﮭﮯ۔ ﺷﺎﯾﺪ ﺍﺱ ﻭﺟﮧ ﺳﮯ ﮐﮧ ﺍﻟﻠﮧ ﻧﮯ ﺍﺳﮯ ﺍﻥ ﺣﺎﻻﺕ ﻣﯿﮟ ﺗﻨﮩﺎ ﻧﮩﯿﮟ ﭼﮭﻮﮌﺍ ﺗﮭﺎﺍﻭﺭ ﺍﺱ ﻃﺮﺡ ﺳﮯ ﺍﺱ ﮐﯽ ﻣﺪﺩ ﮐﯽ ﺗﮭﯽ ﺟﺲ ﮐﺎ ﮐﺴﯽ ﮐﻮ ﻭﮨﻢ ﻭ ﮔﻤﺎﻥ ﺗﮏ ﻧﮧ ﺗﮭﺎ ﺍﻭﺭ ﻣﺠﮭﮯ ﯾﺎﺩ ﮨﮯ ﻣﺠﮫ ﺳﮯ ﻣﻠﻨﮯ ﮐﮯ ﺑﻌﺪ ﺟﺐ ﻭﮦ ﺟﺎﻧﮯ ﻟﮕﺎ ﺗﮭﺎ ﺗﻮ ﻣﯿﮟ ﻧﮯ ﺍﺳﮯ ﮐﮩﺎ ﺗﮭﺎ ﮐﮧ ﻭﮦ ﮐﻮﺋﯽ ﺍﯾﺴﯽ ﺑﺎﺕ ﺑﺘﺎ ﮐﺮ ﺟﺎﺋﮯ ﺟﺴﮯ ﻣﯿﮟ ﮨﻤﯿﺸﮧ ﯾﺎﺩ ﺭﮐﮭﻮﮞ، ﺗﻮ ﺍﺱ ﮐﮯ ﺍﻟﻔﺎﻅ ﺗﮭﮯ۔ ’’ ﺍﻟﻠﮧ ﺳﮯ ﺑﮍﮪ ﮐﺮ ﮐﻮﺋﯽ ﮨﻤﺪﺭﺩ ﺍﻭﺭ ﺩﻭﺳﺖ ﻧﮩﯿﮟ۔ ﺟﺐ ﺑﮭﯽ ﮐﻮﺋﯽ ﻣﺸﮑﻞ ﭘﯿﺶ ﺁﺋﮯ ﺍﺳﯽ ﺳﮯ ﻣﺎﻧﮕﯿﮟ ﺍﻭﺭ ﭘﮭﺮ ﯾﻘﯿﻦ ﺑﮭﯽ ﺭﮐﮭﯿﮟ ﮐﮧ ﻭﮦ ﻗﺒﻮﻝ ﮐﺮﮮ ﮔﺎ۔ ﻭﮦ ﻣﺤﺾ ﮐﺴﯽ ﺳﻮﭺ ﯾﺎ ﺗﺼﻮﺭ ﮐﺎ ﻧﺎﻡ ﺗﻮ ﮨﮯ ﻧﮩﯿﮟ ﺑﻠﮑﮧ ﻭﮦ ﺗﻮ ﺍﯾﮏ ﺯﻧﺪﮦ ﺣﻘﯿﻘﺖ ﮨﮯ ﻭﮦ ﺍﺱ ﻭﻗﺖ ﺑﮭﯽ ﮨﻤﺎﺭﮮ ﺳﺎﺗﮫ ﮨﮯ۔ ﺷﮧ ﺭﮒ ﺳﮯ ﺑﮭﯽ ﻗﺮﯾﺐ۔ ﻭﮦ ﮨﻤﯿﮟ ﺩﯾﮑﮭﺘﺎ ﺭﮨﺘﺎ ﮨﮯ ﮐﮧ ﻣﺸﮑﻞ ﻣﯿﮟ ﮨﻤﺎﺭﺍ ﺭﺩ ﻋﻤﻞ ﮐﯿﺎ ﮨﻮﮔﺎ ﺍﻭﺭ ﺟﻮ ﺍﺱ ﺳﮯ ﻣﺎﻧﮓ ﮐﺮ ﺷﮏ ﻣﯿﮟ ﻧﮩﯿﮟ ﭘﮍﺗﮯ، ﺍﻟﻠﮧ ﺑﮭﯽ ﺍﻧﮭﯿﮟ ﮐﺒﮭﯽ ﺗﻨﮩﺎ ﻧﮩﯿﮟ ﭼﮭﻮﮌﺗﺎ، ﺍﯾﺴﮯ ﻃﺮﯾﻘﻮﮞ ﺳﮯ ﺍﺱ ﮐﯽ ﻣﺪﺩ ﮐﺮﺗﺎ ﮨﮯ ﮐﮧ ﻋﻘﻞ ﺣﯿﺮﺍﻥ ﺭﮦ ﺟﺎﺗﯽ ﮨﮯ ‘‘ ۔ ﻭﮦ ﺍﺏ ﻭﺍﭘﺲ ﺟﺎﺭﮨﺎ ﺗﮭﺎ ﺍﻭﺭ ﻣﺠﮭﮯ ﯾﻮﮞ ﻣﺤﺴﻮﺱ ﮨﻮﺭﮨﺎ ﺗﮭﺎ ﺟﯿﺴﮯ ﻣﯿﮟ ﺁﺝ ﮨﯽ ﻣﺴﻠﻤﺎﻥ ﮨﻮﺍ ﮨﻮﮞ ﯾﺎ ﺟﯿﺴﮯ ﻣﯿﮟ ﻧﮯ ﺁﺝ ﺍﭘﻨﮯ ﺍﻟﻠﮧ ﮐﻮ ﭘﺎ لیا

SHARE

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.

• 
• 
• 
• 
•