🌷 مدحیہ ترانہ 🌷

صحابہؓ کے ترانوں سے یہ عالم جگمگائے گا
زمانہ ان کی عظمت کے ہمیشہ گیت گائے گا
۔۔۔۔۔۔۔۔۔۔۔۔۔۔۔
صحابہؓ کے بلند رتبے بنائے جب خدا نے ہیں
صحابہؓ کے مناقب جب بتائے مصطفی نے ہیں
تبھی سنیوں کے ہونٹوں پر صحابہؓ کے ترانے ہیں
قصیدے ان کی رفعت کے زمانہ گنگنائے گا
۔۔۔۔۔۔۔۔۔۔۔۔۔۔۔
صحابہؓ کی وساطت سے ملا دینِ نبیؐ ہم کو
صحابہؓ کے توسط سے ملی ہے روشنی ہم کو
صحابہؓ سب کے سب جاں سے بھی پیارے ہیں تبھی ہم کو
جو مومن ہے وہ جان و دل صحابہؓ پر لٹائے گا
۔۔۔۔۔۔۔۔۔۔۔۔۔۔۔
مرا سینہ منور ہے صحابہؓ کی محبت سے
مرا دل سربسر لبریز ہے ان کی عقیدت سے
مرے اشعار اجلے ہیں صحابہؓ ہی کی مدحت سے
پیار ان کا جہاں میں ہر طرف مہکار لائے گا
۔۔۔۔۔۔۔۔۔۔۔۔۔۔۔

صحابہؓ کا تحفظ میرے ایماں کا تقاضا ہے
صحابہؓ پر لگانا ہم نے اپنا کل اثاثہ ہے
صحابہؓ کے لئے جاں بھی گنوا دینے کا وعدہ ہے
صحابہؓ کا ہر اک دیوانہ یہ وعدہ نبھائے گا
۔۔۔۔۔۔۔۔۔۔۔۔۔۔۔
صحابہؓ سب کے سب راہِ ہدایت کے منارے ہیں
صحابہؓ دینِ نبوی کے درَخشندہ ستارے ہیں
صحابہؓ علم و حکمت کے، تدبر کے ادارے ہیں
گلستاں ان کی عظمت کا ہمیشہ مسکرائے گا
۔۔۔۔۔۔۔۔۔۔۔۔۔۔۔

صحابہؓ کے تقدس پر فدا ہونا کرامت ہے
صحابہؓ کے مناقب کی اشاعت بھی عبادت ہے
صحابہؓ کے ترانے لکھتے رہنا بھی سعادت ہے
تبھی نغمے جمیلؔ ان کے مسلسل لکھتا جائے گا

"""""""""""""""""""""""""""""""""""""""""""""""""""""""""""""

✍: حضرت مولانا جمیل الرحمن عباسی صاحب