*. .................غزل .................*

*ہٹا کر خاک کو، دانہ اٹھانا سیکھ لیتا ہے*
*پرندہ چار پل میں پھڑپھڑانا سیکھ لیتا ہے*

*غریبی لا کے دے دیتی ہے بِن مانگے ہنر ایسا*
*کہ نازک پاؤں بھی رکشہ چلانا سیکھ لیتا ہے*

*سیاست وہ مدرسہ ہے جہاں تعلیم لے لے کر*
*اناڑی ایک کو گیارہ بنانا سیکھ لیتا ہے*

*جواں دل عشق کے چکر میں کچھ سیکھے کہ نہ سیکھے*
*گھروں میں دیر سے آنے کا، بہانہ سیکھ لیتا ہے*

*بھلے سُر تال سے خارج رہے لیکن ہر اک انساں*
*غسل خانے میں جا کر گنگنانا سیکھ لیتا ہے*