توجہ دل سے غور فرمائیے گا

ﺩﻟﮩﻦ ﮐﻮ ﺑﮩﺖ ﺗﯿﺰ ﺑﺨﺎﺭ ﮨﮯ، ﮐﯿﺎ ﮐﯿﺎ ﺟﺎﺋﮯ؟ "
ﺩﻟﮩﻦ ﮐﯽ ﺳﺎﺱ ﻧﮯ ﭘﺮﯾﺸﺎﻧﯽ ﮐﮯ ﻋﺎﻟﻢ ﻣﯿﮟ ﮐﮩﺎ۔
ﺩﻟﮩﻦ ﮐﯽ ﺍﯾﮏ ﮔﮭﻨﭩﮧ ﭘﮩﻠﮯ ﮨﯽ ﮔﮭﺮ ﺁﻣﺪ ﮨﻮﺋﯽ ﺗﮭﯽ، ﺩﻭﻟﮩﺎ ﺻﺎﺣﺐ ﺳﺐ ﺑﺎﺗﯿﮟ ﺑﮭﻮﻝ ﮐﺮ ﺑﮭﺎﮔﻢ ﺩﻭﮌ ﺩﻟﮩﻦ ﮐﻮ ﮨﺴﭙﺘﺎﻝ ﻟﮯ ﮔﺌﮯ۔
" ﺍﺭﮮ ﺑﮩﻦ ! ﺗﻤﮭﺎﺭﯼ ﻗﺴﻤﺖ، ﺍﺑﮭﯽ ﻗﺪﻡ ﮨﯽ ﺭﮐﮭﺎ ﺗﮭﺎ ﮐﮧ ﺩﻟﮩﻦ ﺑﯿﻤﺎﺭﯼ ﺳﺎﺗﮫ ﻟﮯ ﺁﺋﯽ۔ "
ﺍﯾﮏ ﺧﺎﺗﻮﻥ ﻧﮯ ﭼﮭﺎﻟﯿﮧ ﭼﺒﺎﺗﮯ ﮨﻮﺋﮯ ﮐﮩﺎ۔
" ﺑﮩﻦ ! ﺗﻤﮭﺎﺭﺍ ﺍﮐﻠﻮﺗﺎ ﺑﯿﭩﺎ ﮨﮯ، ﺳﻮﭺ ﺳﻤﺠﮫ ﮐﺮ ﮨﯽ ﺷﺎﺩﯼ ﮐﺮﻧﯽ ﺗﮭﯽ۔ "
ﺍﯾﮏ ﺍﻭﺭ ﺧﺎﺗﻮﻥ ﻧﮯ ﮨﻤﺪﺭﺩﯼ ﺟﺘﺎﺗﮯ ﮨﻮﺋﮯ ﮐﮩﺎ۔
" ﻣﺠﮭﮯ ﺗﻮ ﺟﺎﺩﻭ ﮐﺎ ﻣﻌﺎﻣﻠﮧ ﻟﮓ ﺭﮨﺎ ﮨﮯ، ﺑﮭﻠﯽ ﭼﻨﮕﯽ ﺗﻮ ﮔﮭﺮ ﺁﺋﯽ ﺗﮭﯽ، ﺍﯾﮏ ﺩﻡ ﺑﺨﺎﺭ ﮐﯿﺴﺎ؟ "
ﺍﯾﮏ ﺧﺎﺗﻮﻥ ﻧﮯ ﺍﭘﻨﺎ ﺧﺪﺷﮧ ﻇﺎﮨﺮ ﮐﯿﺎ۔
ﺍﻭﺭ ﺩﻟﮩﻦ ﮐﯽ ﺁﻣﺪ ﺗﮏ ﭼﮧ ﻣﯿﮕﻮﺋﯿﻮﮞ ﮐﺎ ﯾﮧ ﺳﻠﺴﻠﮧ ﺟﺎﺭﯼ ﻭ ﺳﺎﺭﯼ ﺭﮨﺎ۔
ﺩﻭ ﮔﮭﻨﭩﮯ ﺑﻌﺪ ﻭﺍﭘﺴﯽ ﮨﻮﺋﯽ ، ﮈﺍﮐﭩﺮ ﻧﮯ ﮈﺭﭖ ﻟﮕﺎﺋﯽ ﺗﮭﯽ ﺍﻭﺭ ﮐﭽﮫ ﺍﺩﻭﯾﺎﺕ ﺗﺠﻮﯾﺰ ﮐﯽ ﺗﮭﯿﮟ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
" ﺍﺭﮮ ﺑﮩﻦ ! ﺗﻤﮭﺎﺭﯼ ﺑﯿﭩﯽ ﺍﮔﺮ ﺑﯿﻤﺎﺭ ﺗﮭﯽ ﺗﻮ ﺿﺮﻭﺭ ﻣﯿﺮﮮ ﺳﺮ ﮈﺍﻟﻨﯽ ﺗﮭﯽ، ﻣﯿﺮﺍ ﺗﻮ ﺍﮐﻠﻮﺗﺎ ﺑﯿﭩﺎ ﮨﮯ، ﺍﺗﻨﮯ ﺍﺭﻣﺎﻧﻮﮞ ﺳﮯ ﺍﺱ ﮐﺎ ﺑﯿﺎﮦ ﮐﯿﺎ ﺗﮭﺎ۔ "
ﺩﻭﻟﮩﺎ ﮐﯽ ﻣﺎﮞ، ﺩﻟﮩﻦ ﮐﯽ ﻣﺎﮞ ﮐﻮ ﮐﻮﺱ ﺭﮨﯽ ﺗﮭﯽ۔
" ﺑﮩﻦ ! ﺳﭻ ﺑﺘﺎﺅﮞ، ﺍﺱ ﮐﯽ ﻃﺒﯿﻌﺖ ﮐﺎ ﮨﻤﯿﮟ ﺑﮭﯽ ﻧﮩﯿﮟ ﭘﺘﮧ ﺗﮭﺎ، ﺷﺎﺩﯼ ﮐﯽ ﺭﺍﺕ ﺍﭼﺎﻧﮏ ﮨﯽ ﺑﺨﺎﺭ ﭼﮍﮪ ﮔﯿﺎ۔ "
ﺩﻟﮩﻦ ﮐﯽ ﻣﺎﮞ ﻧﮯ ﺻﻔﺎﺋﯽ ﭘﯿﺶ ﮐﯽ ، ﺍﻥ ﮐﺎ ﺩﻝ ﺍﻧﺠﺎﻧﮯ ﺧﺪﺷﺎﺕ ﮐﺎ ﻣﺴﮑﻦ ﺑﻨﺎ ﮨﻮﺍ ﺗﮭﺎ۔
ﭘﮭﺮ ﺑﺨﺎﺭ ﮐﺎ ﯾﮧ ﺳﻠﺴﻠﮧ ﭼﻠﺘﺎ ﺭﮨﺎ، ﮐﺒﮭﯽ ﺍﺗﺮ ﺟﺎﺗﺎ ﺍﻭﺭ ﮐﺒﮭﯽ ﭼﮍﮪ ﺟﺎﺗﺎ۔
" ﺑﯿﭩﺎ ! ﻣﺠﮭﮯ ﻟﮕﺘﺎ ﮨﮯ ﮐﮧ ﺩﻟﮩﻦ ﭘﺮ ﺟﺎﺩﻭ ﮨﮯ، ﺗﻢ ﺍﺳﮯ ﻭﺍﭘﺲ ﺍﺱ ﮐﮯ ﮔﮭﺮ ﭼﮭﻮﮌ ﺁﺅ۔ "
ﺩﻭﻟﮩﺎ ﮐﯽ ﻣﺎﮞ ﺍﭘﻨﯽ ﺩﻝ ﮐﯽ ﺑﺎﺕ ﺯﺑﺎﻥ ﭘﺮ ﻟﮯ ﮨﯽ ﺁﺋﯿﮟ۔
" ﺍﻣﺎﮞ ! ﻣﯿﮟ ﻧﮯ ﺍﺱ ﺳﮯ ﻧﮑﺎﺡ ﮐﯿﺎ ﮨﮯ، ﺍﻭﺭ ﺍﺳﮑﯽ ﮨﺮ ﺧﻮﺷﯽ ﺍﻭﺭ ﺗﮑﻠﯿﻒ ﮐﻮ ﻗﺒﻮﻝ ﮐﯿﺎ ﮨﮯ، ﺍﯾﺴﮯ ﻗﺒﻮﻝ ﮐﺎ ﮐﯿﺎ ﻓﺎﺋﺪﮦ ﮐﮧ ﺻﺮﻑ ﺧﻮﺷﯽ ﻣﯿﮟ ﺳﺎﺗﮫ ﮨﻮ ﺍﻭﺭ ﺗﮑﻠﯿﻒ ﻣﯿﮟ ﺩﻭﺭ ﮐﺮﺩﯾﺎ ﺟﺎﺋﮯ۔ "
ﺩﻭﻟﮩﺎ ﻧﮯ ﻏﯿﺮﺕ ﮐﺎ ﺛﺒﻮﺕ ﺩﯾﺘﮯ ﮨﻮﺋﮯ ﮐﮩﺎ۔
" ﺑﯿﭩﺎ ! ﭘﮭﺮ ﺟﺎﺩﻭ ﮐﺎ ﭘﺘﮧ ﮐﺮﻭﺍ ﻟﻮ ﺗﺎﮐﮧ ﺗﻮﮌ ﮐﺮﻭﺍ ﻟﯿﺎ ﺟﺎﺋﮯ، ﺗﻢ ﺩﻟﮩﻦ ﮐﯽ ﺍﯾﮏ ﻗﻤﯿﺺ ﻣﺠﮭﮯ ﺩﯾﻨﺎ، ﻣﯿﮟ ﭘﺘﮧ ﮐﺮﻭﺍ ﻟﻮﮞ ﮔﯽ۔ "
ﺩﻭﻟﮩﺎ ﮐﯽ ﻣﺎﮞ ﻧﮯ ﺍﯾﮏ ﺍﻭﺭ ﺗﯿﺮ ﭘﮭﯿﻨﮑﺎ۔
" ﺍﻣﺎﮞ ! ﮐﻮﺋﯽ ﺟﺎﺩﻭ ﻭﺍﺩﻭ ﻧﮩﯿﮟ، ﺟﺎﺩﻭ ﻧﮧ ﮨﻮﮔﯿﺎ ﻣﺬﺍﻕ ﮨﻮﮔﯿﺎ، ﺟﺲ ﮐﻮ ﺩﯾﮑﮭﻮ، ﺍﭘﻨﯽ ﻧﺎﮐﺎﻣﯿﻮﮞ، ﻣﺤﺮﻭﻣﯿﻮﮞ ﺍﻭﺭ ﻣﺎﯾﻮﺳﯿﻮﮞ ﮐﻮ ﺟﺎﺩﻭ ﮐﯽ ﺁﮌ ﺩﮮ ﺭﮨﺎ ﮨﮯ، ﺍﮔﺮ ﺍﺱ ﮐﺜﺮﺕ ﺳﮯ ﺟﺎﺩﻭ ﮨﻮﺗﮯ ﮨﻮﮞ ﺗﻮ ﺍﺱ ﮐﺎ ﻣﻄﻠﺐ ﮨﻮﺍ ﮐﮧ ﮨﻤﺎﺭﯼ ﺁﺩﮬﯽ ﺁﺑﺎﺩﯼ، ﺑﺎﻗﯽ ﺁﺩﮬﯽ ﺁﺑﺎﺩﯼ ﭘﺮ ﺟﺎﺩﻭ ﮐﺮﻭﺍ ﺭﮨﯽ ﮨﮯ، ﻣﻤﮑﻦ ﮨﮯ ﯾﮧ؟ "
ﺩﻭﻟﮩﺎ ﻧﮯ ﻣﻀﺒﻮﻁ ﺩﻟﯿﻞ ﭘﯿﺶ ﮐﯽ ﺍﻭﺭ ﮐﻤﺮﮮ ﺳﮯ ﻧﮑﻞ ﮔﯿﺎ۔
ﺳﺎﺱ ﺻﺎﺣﺒﮧ ﻧﮯ ﺧﻮ ﺩ ﮨﯽ ﺧﺎﻣﻮﺷﯽ ﺳﮯ ﺩﻟﮩﻦ ﮐﯽ ﻗﻤﯿﺺ ﺣﺎﺻﻞ ﮐﯽ ﺍﻭﺭ ﺟﺎﺩﻭ ﮐﮯ ﺗﻌﯿﻦ ﮐﮯ ﻟﺌﮯ ﺑﮭﺠﻮﺍ ﺩﯾﺎ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
" ﺑﯽ ﺑﯽ ! ﺁﭖ ﮐﯽ ﺑﮩﻮ ﭘﺮ ﺑﮩﺖ ﺳﺨﺖ ﺟﺎﺩﻭ ﮨﮯ ، ﺍﻭﺭ ﺟﺎﺩﻭ ﮐﺮﻭﺍﻧﮯ ﻭﺍﻻ ﺁﭖ ﮐﺎ ﻗﺮﯾﺒﯽ ﺭﺷﺘﮧ ﺩﺍﺭ ﮨﮯ۔ "
ﻋﺎﻣﻞ ﺑﺎﺑﺎ ﻧﮯ ﻭﮨﯽ ﺍﻟﻔﺎﻅ ﮐﮩﮯ ﺟﻮ ﻭﮦ ﮨﺮ ﮔﺎﮨﮏ ﮐﻮ ﮐﮩﺘﺎ ﺗﮭﺎ ﻭﺭﻧﮧ ﺍﺱ ﮐﮯ ﭘﺎﺱ ﮐﻮﻥ ﺁﺗﺎ۔
" ﺑﺎﺑﺎ ﺟﯽ ! ﮐﺲ ﻧﮯ ﮐﺮﻭﺍﯾﺎ ﮨﮯ؟ "
ﺳﺎﺱ ﺻﺎﺣﺒﮧ ﻧﮯ ﺑﮯ ﭼﯿﻨﯽ ﺳﮯ ﭘﻮﭼﮭﺎ۔
" ﺗﻤﮭﺎﺭﮮ ﺑﮩﺖ ﻗﺮﯾﺐ، ﺗﻤﮭﺎﺭﮮ ﺍﺭﺩﮔﺮﺩ ﮨﯽ ﮨﮯ ﻭﮦ ﺟﺎﺩﻭ ﮐﺮﻭﺍﻧﮯ ﻭﺍﻟﯽ، ﻭﮦ ﺷﺮﻭﻉ ﺳﮯ ﺗﻤﮭﺎﺭﯼ ﺩﺷﻤﻦ ﮨﮯ۔ "
ﻋﺎﻣﻞ ﺑﺎﺑﺎ ﻧﮯ ﺍﯾﮏ ﺍﻭﺭ ﻧﻔﺴﯿﺎﺗﯽ ﺟﺎﻝ ﭘﮭﯿﻨﮑﺎ۔
" ﮨﻮﻧﮩﮧ ! ﻣﯿﮟ ﺳﻤﺠﮫ ﮔﺌﯽ، ﯾﮧ ﮐﺲ ﮐﺎ ﮐﺎﻡ ﮨﮯ، ﺗﺒﮭﯽ ﺗﻮ ﻭﮦ ﺑﯿﻤﺎﺭﯼ ﮐﯽ ﺍﺱ ﺭﺍﺕ ﺩﺑﯽ ﺩﺑﯽ ﻣﺴﮑﺮﺍﮨﭧ ﮐﮯ ﺳﺎﺗﮫ ﭘﮭﺮ ﺭﮨﯽ ﺗﮭﯽ۔ "
ﺳﺎﺱ ﺻﺎﺣﺒﮧ ﺍﭘﻨﮯ ﺩﻝ ﮐﺎ ﺑﻐﺾ ﺯﺑﺎﻥ ﭘﺮ ﻟﮯ ﺁﺋﯿﮟ۔
" ﯾﮧ ﭼﺎﺭ ﻣﮩﯿﻨﮯ ﮐﺎ ﻧﺎﺯﮎ ﻋﻤﻞ ﮨﮯ، ﮨﺮ ﻣﮩﯿﻨﮯ ﺍﯾﮏ ﺩﻓﻌﮧ ﺑﮩﻮ ﮐﻮ ﺑﮭﯽ ﻻﻧﺎ ﮨﻮﮔﺎ، ﺍﺳﮯ ﺩﻡ ﮐﯿﺎ ﮨﻮﺍ ﺑﯿﺮﯼ ﮐﮯ ﭘﺘﻮﮞ ﮐﺎ ﭘﺎﻧﯽ ﺑﮭﯽ ﭘﻼﻧﺎ ﮨﻮﮔﺎ،ﺍ ﮔﻠﯽ ﺩﻓﻌﮧ ﺳﻮ ﺑﯿﺮﯼ ﮐﮯ ﭘﺘﮯ ﺑﮭﯽ ﻟﮯ ﺁﻧﺎ۔ "
ﻋﺎﻣﻞ ﺑﺎﺑﺎ ﮔﺎﮨﮏ ﮐﻮ ﺍﭼﮭﯽ ﻃﺮﺡ ﺍﭘﻨﮯ ﺟﺎﻝ ﻣﯿﮟ ﭘﮭﻨﺴﺎ ﺭﮨﮯ ﺗﮭﮯ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
" ﺑﯿﭩﺎ ! ﻣﯿﮟ ﻧﮧ ﮐﮩﺘﯽ ﺗﮭﯽ ﮐﮧ ﺑﮩﻮ ﭘﺮ ﺟﺎﺩﻭ ﮨﮯ، ﺍﻭﺭ ﺷﮏ ﺑﮭﯽ ﮨﻤﺎﺭﯼ ﻗﺮﯾﺒﯽ ﺭﺷﺘﮧ ﺩﺍﺭ ﭘﺮ ﮨﮯ۔ "
ﺍﻣﺎﮞ ، ﺑﯿﭩﮯ ﮐﻮ ﯾﮧ ﺑﺎﺕ ﺑﺘﺎﺗﮯ ﮨﻮﺋﮯ ﺑﮩﺖ ﺧﻮﺵ ﺗﮭﯿﮟ۔
" ﺍﻣﺎﮞ ! ﯾﮧ ﮐﺴﯽ ﭘﺮ ﺗﮩﻤﺖ ﻟﮕﺎﻧﺎ ﮨﮯ ﺍﻭﺭ ﺍﺱ ﮐﺎ ﺑﮩﺖ ﮔﻨﺎﮦ ﮨﮯ، ﺍﺱ ﻃﺮﺡ ﮐﯽ ﺗﮩﻤﺖ ﮐﺌﯽ ﮐﺒﯿﺮﮦ ﮔﻨﺎﮨﻮﮞ ﮐﺎ ﻣﺠﻤﻮﻋﮧ ﮨﮯ، ﮐﯿﻨﮧ، ﺣﺴﺪ، ﺑﻐﺾ، ﺑﺪ ﮔﻤﺎﻧﯽ، ﭼﻐﻠﯽ۔۔۔۔۔۔۔ "
ﺑﯿﭩﮯ ﻧﮯ ﺍﻭﺭ ﮨﯽ ﺑﺎﺕ ﮐﮩﮧ ﺩﯼ۔
" ﺑﺲ ﮐﺮ ! ﻣﺠﮭﮯ ﻧﮧ ﺳﻤﺠﮭﺎ، ﺑﮩﻮ ﮐﻮ ﮨﺮ ﻣﮩﯿﻨﮧ ﺍﯾﮏ ﺩﻓﻌﮧ ﻟﮯ ﮐﺮ ﺟﺎﻧﺎ ﮨﮯ ﺍﻭﺭ ﺗﻮ ﻧﮯ ﺳﻮ ﺑﯿﺮﯼ ﮐﮯ ﭘﺘﻮﮞ ﮐﺎ ﺍﻧﺘﻈﺎﻡ ﮐﺮﻧﺎ ﮨﮯ۔ "
ﺍﻣﺎﮞ ﻧﮯ ﺍﭘﻨﺎ ﻓﯿﺼﻠﮧ ﺳﻨﺎﺗﮯ ﮨﻮﺋﮯ ﮐﮩﺎ۔
" ﮐﯿﺎ؟ ﯾﮧ ﻧﮩﯿﮟ ﮨﻮﺳﮑﺘﺎ۔ ﻣﯿﺮﯼ ﺑﯿﻮﯼ ، ﻣﯿﺮﯼ ﻏﯿﺮﺕ ﮨﮯ، ﻣﯿﺮﯼ ﻋﺰﺕ ﮨﮯ، ﻭﮦ ﮐﮩﯿﮟ ﻧﮩﯿﮟ ﺟﺎﺋﮯ ﮔﯽ ﺍﻭﺭ ﻧﮧ ﮨﯽ ﮨﻤﯿﮟ ﮐﺴﯽ ﺗﻮﮌ ﮐﯽ ﺿﺮﻭﺭﺕ ﮨﮯ، ﺍﻭﻝ ﺗﻮ ﺟﺎﺩﻭ ﻧﮩﯿﮟ، ﺍﮔﺮ ﺑﺎﻟﻔﺮﺽ ﺟﺎﺩﻭ ﺑﮭﯽ ﮨﻮﺍ ﺗﻮ ﺍﺱ ﮐﺎ ﻋﻼﺝ ﻗﺮﺁﻥ ﭘﺎﮎ ﮐﯽ ﺗﻼﻭﺕ ﮨﮯ، ﭘﮩﻠﮯ ﺑﮭﯽ ﮨﻢ ﮐﺮﺗﮯ ﮨﯿﮟ، ﺍﺏ ﮨﻢ ﺍﺱ ﮐﺎ ﻣﻌﻤﻮﻝ ﺍﻭﺭ ﺑﮭﯽ ﺑﮍﮬﺎ ﺩﯾﮟ ﮔﮯ، ﻣﯿﮟ ﺯﮨﺮﺍ ﮐﻮ ﺑﮭﯽ ﮐﮩﮧ ﺩﻭﮞ ﮔﺎ۔ "
ﺩﻟﮩﺎ ﻣﯿﺎﮞ ﺍﯾﻤﺎﻥ ﮐﯽ ﭘﺨﺘﮕﯽ ﮐﮯ ﺳﺎﺗﮫ ﺑﻮﻟﮯ۔
ﺍﻣﺎﮞ ﮐﻮ ﯾﮧ ﻣﻌﻠﻮﻡ ﮨﻮﭼﮑﺎ ﺗﮭﺎ ﮐﮧ ﺑﯿﭩﺎ ﺍﻥ ﮐﯽ ﺑﺎﺗﻮﮞ ﻣﯿﮟ ﺁﻧﮯ ﻭﺍﻻ ﻧﮩﯿﮟ۔
" ﻗﺮﺁﻥ ﭘﺎﮎ ﺗﻮ ﮨﻢ ﺳﺐ ﭘﮍﮬﺘﮯ ﮨﯿﮟ ، ﭘﮭﺮ ﺍﯾﺴﺎ ﮐﯿﻮﮞ؟ "
ﺍﻣﺎﮞ ﺑﮭﯽ ﮐﮩﺎﮞ ﮨﺎﺭ ﻣﺎﻧﻨﮯ ﻭﺍﻟﯽ ﺗﮭﯿﮟ۔
" ﺑﺎﻗﯽ ﺳﺐ ﮐﺎ ﺗﻮ ﻧﮩﯿﮟ ﭘﺘﮧ، ﻟﯿﮑﻦ ﺁ ﭖ ﮐﺎ ﺿﺮﻭﺭ ﺍﻧﺪﺍﺯﮦ ﮨﮯ، ﺁﭖ ﻧﮯ ﺩﺱ ﺳﺎﻝ ﺳﮯ ﺍﭘﻨﮯ ﺯﯾﻮﺭ ﮐﯽ ﺯﮐﻮٰﺓ ﻧﮩﯿﮟ ﺩﯼ، ﺟﻮ ﺭﻗﻢ ﺁﭖ ﮐﻮ ﻭﺭﺛﮯ ﺳﮯ ﻣﻠﯽ ﺗﮭﯽ ﺍﺳﮯ ﺁﭖ ﻧﮯ ﻓﮑﺲ ﮐﺮﻭﺍﯾﺎ ﮨﻮﺍ ﮨﮯ، ﺍﻭﺭ ﻣﺎﮨﺎﻧﮧ ﺍﺱ ﮐﺎ ﺳﻮﺩ ﻟﯿﺘﯽ ﮨﯿﮟ، ﺍﻣﺎﮞ ! ﺳﻮﺩ ﺍﻟﻠﮧ ﺗﻌﺎﻟﯽٰ ﺳﮯ ﺟﻨﮓ ﮨﮯ ، ﺣﺮﺍﻡ ﻣﺎﻝ ﮐﮯ ﮨﻮﺗﮯ ﮨﻮﺋﮯ ﮐﯿﺴﮯ ﺁﭖ ﮐﮯ ﻧﯿﮏ ﺍﻋﻤﺎﻝ ﻣﯿﮟ ﺑﺮﮐﺖ ﺁﺳﮑﺘﯽ ﮨﮯ؟ "
ﺩﻭﻟﮩﺎ ﯾﮧ ﮐﮩﺘﺎ ﮨﻮﺍ ﮐﻤﺮﮮ ﺳﮯ ﭼﻼ ﮔﯿﺎ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﺩﻟﮩﻦ ﮐﮯ ﻣﮑﻤﻞ ﭨﯿﺴﭧ ﮐﺮﻭﺍﺋﮯ ﮔﺌﮯ ﺗﻮ ﮔﺮﺩﮮ ﻣﯿﮟ ﺍﻧﻔﯿﮑﺸﻦ ﮐﯽ ﺗﺸﺨﯿﺺ ﮨﻮﺋﯽ، ﺍﻭﺭ ﺍﺱ ﮐﮯ ﻣﮑﻤﻞ ﻋﻼﺝ ﮐﮯ ﺑﻌﺪ ﻭﮦ ﺑﺎﻟﮑﻞ ﺻﺤﺖ ﻣﻨﺪ ﮨﻮﮔﺌﯽ۔ ﺍﻟﻠﮧ ﺗﻌﺎﻟﯽٰ ﻧﮯ ﺍﻭﻻﺩ ﮐﯽ ﻧﻌﻤﺖ ﺳﮯ ﺑﮭﯽ ﻧﻮﺍﺯ ﺩﯾﺎ۔
ﺍﻣﺎﮞ ﺑﮭﯽ ﺍﯾﮏ ﻣﺘﺒﻊ ِ ﺳﻨﺖ ﺑﺰﺭﮒ ﺳﮯ ﺑﯿﻌﺖ ﮨﻮﮔﺌﯿﮟ، ﺍﻧﮭﻮﮞ ﻧﮯ ﮐﭽﮫ ﺯﯾﻮﺭ ﺑﯿﭻ ﮐﺮ ﺩﺱ ﺳﺎﻝ ﮐﯽ ﺯﮐﻮٰﺓ ﺑﮭﯽ ﺍﺩﺍ ﮐﺮﺩﯼ ﺍﻭﺭ ﺳﻮﺩﯼ ﺍﮐﺎﺅﻧﭧ ﺑﮭﯽ ﺧﺘﻢ ﮐﺮﻭﺍ ﺩﯾﺎ ﺍﻭﺭ ﺟﻮ ﺳﻮﺩ ﻭﮦ ﻟﮯ ﭼﮑﯽ ﺗﮭﯿﮟ، ﺍُﺗﻨﯽ ﺭﻗﻢ ﻣﻔﺘﯿﺎﻥِ ﮐﺮﺍﻡ ﮐﮯ ﻣﺸﻮﺭﮮ ﮐﮯ ﻣﻄﺎﺑﻖ ﺑﻐﯿﺮ ﺛﻮﺍﺏ ﮐﯽ ﻧﯿﺖ ﮐﮯ، ﺍﯾﮏ ﺟﮕﮧ ﺩﮮ ﺩﯼ۔
ﺍﺏ ﯾﮧ ﮔﮭﺮ ﺧﻮﺷﯿﻮﮞ ﮐﺎ ﻣﺴﮑﻦ ﮨﮯ، ﺟﻮ ﺑﮩﻮ ﺍﻧﮭﯿﮟ ﻣﻨﺤﻮﺱ ﻣﻌﻠﻮﻡ ﮨﻮﺋﯽ ﺗﮭﯽ، ﺍﺏ ﺍﺱ ﮐﮯ ﻗﺪﻡ ﻣﺒﺎﺭﮎ ﻣﻌﻠﻮﻡ ﮨﻮﺗﮯ ﮨﯿﮟ۔
ﺍﺱ ﮐﮩﺎﻧﯽ ﮐﮯ ﺍﺻﻞ ﮨﯿﺮﻭ ﮐﻮ ﺗﻮ ﮨﻢ ﺑﮭﻮﻝ ﮨﯽ ﮔﺌﮯ ﯾﻌﻨﯽ ﺩﻭﻟﮩﺎ ﻣﯿﺎﮞ۔
ﺟﺲ ﮐﯽ ﺍﯾﻤﺎﻧﯽ ﺍﺳﺘﻘﺎﻣﺖ، ﺩﯾﻨﯽ ﻣﻀﺒﻮﻃﯽ ﺍﻭﺭ ﺣﻘﯿﻘﯽ ﻣﺮﺩﺍﻧﮧ ﻏﯿﺮﺕ ﻧﮯ ﺍﯾﮏ ﮔﮭﺮ ﮐﻮ ﺑﮑﮭﺮﻧﮯ ﺳﮯ ﺑﭽﺎ ﻟﯿﺎ.

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.